Xarici ticarət barədə məlumat yayılıb SOCAR yarım ilə 550 milyon manat mənfəət əldə edib SOCAR istiqrazları üzrə 35 milyon dollarlıq əməliyyat keçirilib Unibank səhmdarlarını yığır ABB qiymətli kağızlara sərmayeni 155 dəfə azaldıb SOCAR istiqrazlarını xaricilər də alır Beynəllxalq Bank nizamnamə kapitalını 2 dəfə artırır Daha bir dərman zavodunun təməli qoyulub Gürcüstandan Azərbaycana 14 milyon dollar köçürülüb “SOCAR PETROLEUM” QSC əlavə səhm buraxır

Xarici ticarət barədə məlumat yayılıb

2016-cı il üzrə xarici ticarət statistikası açıqlanıb. Bu barədə məlumat Dövlət Gömrük Komitəsinin saytında yerləşdirilib. Xarici ticarətin ümumi həcmi 17 657 milyon dollar təşkil edib. Bu 2015-ci ilin müvafiq göstəricisinə nisbətdə 19,46% azalma deməkdir. Eyni zamanda idxal 8532 milyon dollar, ixrac isə 9143 milyon dolalr təşkil edib.  Məlumata görə, idxalda təxminən 700 mln. dollar (7.6%) azalma var. İdxaldakı azalma əsasən dövlət sektoru ilə bağlı olub - bu sektor üzrə idxalın həcmi 300 mln. dollar ixtisara düşüb. İdxalla bağlı diqqətçəkən başqa bir məqam: minik avtomobillərinin idxalı 4.5 dəfəyədək azalaraq təxminən 23.8 min ədəddən 5 min ədədə enib.  İxrac daha çox azalıb - təxminən 2.3 mlrd. dollar (20%). İlin yekununa görə, xarici ticarət balansında 610 mln. USD profisit yaranıb. Bu 2007-ci ildən sonra ən aşağı göstəricidi. 2008-2014-cü illərdə xarici ticarət balansının profisti əksər illərdə 10 mlrd. dolların üzərində olub. Yalnız 2015-ci ildə nefti qiymətinin kəskin ucuzlaşmasından sonra həmin göstərici 2.2 mlrd. USD-yə enmişdi. Qeyri-neft ixracı 1.258 mlrd. USD olub - ümumi ixracın 13.7%-i. Qeyri-neft ixracının həcmi 2015-ə nisbətən 28%-ə yaxın azalıb.

Davamını oxu...

SOCAR istiqrazları üzrə 35 milyon dollarlıq əməliyyat keçirilib

 SOCAR istiqrazları üzrə idiyədək təkrar bazarda 35,1 mln. dollarlıq əməliyyat həyata keçirilib. "Report"-un məlumatına görə, bunu "SOCAR Capital" şirkətinin Məsləhət Şurasının üzvü Əli Ağaoğlu bildirib. Onun sözlərinə görə, bu gün verilən sifarişlərlə həmin rəqəm 40 mln. dollara artıb: "SOCAR istiqrazlarının təkrar bazarı da həddən artıq aktiv olub. Təkrar bazarda istiqrazlara fiziki şəxslərin marağı xüsusilə böyük olub. İstiqrazları Azərbaycan vətəndaşları ilə yanaşı, xarici vətəndaşlar da alırlar. Bu sahədə Gürcüstan, Türkiyə, Rusiya vətəndaşları daha fəaldırlar". Tədbirdə SOCAR-ın vitse-prezidenti Süleyman Qasımov bildirib ki, SOCAR istiqrazlarının ilkin buraxılışı zamanı investorlar tərəfindən 200 mln. dollardan artıq tələb qeydə alınıb ki, bu da istiqrazların emissiyasının həcmindən iki dəfə artıqdır. SOCAR-ın vitse-prezidenti hhəmçinin bildirib ki, yanvarın 17-də həyata keçirilən faiz ödənişi çərçivəsində SOCAR istiqrazlarının sahiblərinə ümumilikdə 1 milyon 250 min ABŞ dolları həcmində faiz ödənilib.  Bu vəsait artıq istiqraz sahiblərinin bank hesablarına köçürülüb və onlar bu pulları istədikləri kimi istifadə edə bilərlər. Eyni zamanda SOCAR xarici bazarda ilk istiqraz buraxılışı üzrə öhdəliyini həyata keçirir. “İlk dəfə istiqrazı (Avrobond) 2012-ci ildə Londonda buraxmışdıq. SOCAR əsas məbləğin ödənilməsi üçün əməli işlərə başlayıb. 500 milyonun 403 milyonu ödənilib. 97 milyon dolların ödənilməsilə bağlı hazırlıq iləri gedir. Fevral ayının 18-nə qədər ödənişimizi başa çatdıracağıq”. Süleyman Qasımov əlavə edib ki, bundan başqa  2013-cü ildə 10 illik 500 milyon və 1 milyard dollar məbləğində növbəti buraxılış həyata keçirilib. Növbəti 3-cü buraxılış 2015-ci ildə 15 illik müddətə, 750 milyon dollar məbləğində olub. 

Davamını oxu...

Unibank səhmdarlarını yığır

"Unibank" ASC səhmdarların növbədənkənar yığıncağını təşkil edəcək. Bu barədə Məlumatların Elektron Açıqlanması Sistemində xəbər verilir. Məlumata görə, “Unibank” Kommersiya Bankı” Açıq Səhmdar Cəmiyyəti səhmdarların növbədənkənar Ümumi Yığıncağı 15 fevral 2017-ci il tarixində, saat 15:00-da Bankın Bakı şəhəri, Rəşid Behbudov küçəsi, 55 ünvanında yerləşən Baş Ofisində keçiriləcəkdir. Yığıncaqda aşağıdakı məsələlərin müzakirəsi nəzərdə tutulmuşdur: 1. Bankın Müşahidə Şurasının üzvlərinin tərkibində dəyişiklik edilməsi haqqında 2. Xüsusi əhəmiyyətli əqdlər haqqında Səhmdarlar yığıncağın gündəliyində nəzərdə tutulumuş məsələlər üzrə materiallarla Bankın Bakı şəhəri, Rəşid Behbudov küçəsi, 55 ünvanında yerləşən Baş Ofisində, İşlər İdarəsi ilə əlaqə saxlamaqla tanış ola bilərlər.

Davamını oxu...

ABB qiymətli kağızlara sərmayeni 155 dəfə azaldıb

“Azərbaycan Beynəlxalq Bankı” ASC-nin (ABB) qiymətli kağızlara investisiyaları 207-ci il yanvarın 1-nə cəmi 22 mln. manat təşkil edib.  Bu, ötən ilin əvvəli ilə müqayisədə 155,7 dəfə azdır. Bu barədə bankın hesabatından deyilir. ABB hüquqi şəxslərin kreditləşməsini də azaldıb. Belə ki, 2016-cı ilin sonuna Bank müxətlif şirkətlərə 4,199 mlrd. manat borc verib ki, bu da 2015-ci ilin sonuna nisbətən 27% azdır. Əvəzində, Bank fiziki şəxslərin kreditləşməsini artırıb. Belə ki, fərdi müştərilərə 1,385 mlrd. manat kredit ayrılıb ki, bu da illik müqayisədə 23,4% çoxdur. Hesabata əsasən, ABB həm qiymətli kağızlara investisiyaları, həm də hüquqi və fiziki şəxslərə kredit qoyuluşunu ölkə daxilində həyata keçirib. Bankın maliyyə müəssisələrində yerləşdirdiyi 5,019 mlrd. manatlıq depozitin isə 4,869 mlrd. manatı (97%-i) Azərbaycan, 103 mln. manatı (2%-i) Rusiya, 47 mln. manatı isə (1%-i) Gürcüstanın payına düşüb. Ötən ilin sonuna ABB ölkə daxilindən 2,13 mlrd. manat, Amerika-Avropadan 3,962 mlrd. manat, Rusiyadan isə 36 mln. manat vəsait cəlb edib.

Davamını oxu...

SOCAR istiqrazlarını xaricilər də alır

Azərbaycan Dövlət Neft Şirkətinin (SOCAR) buraxdığı istiqrazları xarici ölkə vətəndaşları da almağa başlayıblar. Bu barədə “SOCAR Capital” şirkətindən bildirilib. Məlumata görə, SOCAR-ın qiymətli kağızlarına ən çox maraq göstərən Azərbaycanla həmsərhəd olkələrin – Rusiya, Gürcüstan və Türkiyə vətəndaşlarıdır. İstiqrazlara marağın artması onların qiymətinin yüksəlməsinə səbəb olub. Qiymətli kağızlar üzrə market-meyker xidməti göstərən “PSG Kapital” investisiya şirkətinin məlumatına görə, hazırda SOCAR istiqrazları 1 012 dollardan alınır, 1 015,5 dollardan satılır. Qeyd edək ki, sabah ilk dəfə olaraq istiqrazlara görə rüblük faizlər ödəniləcək. Xatırladaq ki, SOCAR-ın daxili bazar üçün nəzərdə tutulmuş istiqrazları 2016-cı ilin oktyabrında buraxılıb. İstiqrazlar 100 mln. dollar həcmində, 5 illik müddətə və illik 5% gəlirliklə emissiya edilib. İlkin olaraq abunə yazılışı yolu ilə satılan istiqrazlara investorlar tərəfindən tələbat 2 dəfə artıq olub. Oktyabrın 17-dən isə SOCAR istiqrazlarının təkrar bazarda dövriyyəsinə başlanıb. Faiz ödənişləri ildə 4 dəfə həyata keçiriləcək.

Davamını oxu...